Matagaluega-Itumalo a Samoa / Samoa District Council
 
 
FOLAFOLAGA TAUA MO FAIFEAU MA EKALESIA O LE MATAGALUEAG AOG I SAMOA. (Upolu &Savaii)
 
Update 4  as of  7 May
 
Mataupu: Fono Matagaluega ia Me.
E fia faailoa atu ua le faataunuuina le fono ia Me pei ona iai i le kalena ona o aiaiga o le Koviti 19. O le a toe logo atu se taimi e faataunuuina ai e fuafua i i le tulaga o iai aiaiga faailoa mai o le faama’i. O le faasilasilaga lea ia manuia lava le galuega o lo’o feagai ai.
O lo’o iai le tusi a le Failautusi o lo’o tuuina atu ai ma nisi folafolaga.
 
Tavita Pagaialii
Ta’ita’i
AOG Samoa
 
 
Update 3  as of  17 April
 
Mataupu: Tolopoina o le Mafutaga a le lalolagi.
E faasilasila atu ua iai le faaiuga a le Komiti o Taitai o le Felosipi i le lalolagi o le a le faataunuuina le Mafutaga ia Iulai lea sa fuafua e fai i Samoa nei, ae ua tuu atu i le aso 14 – 18 o Tesema, 2020. 
Faamalo le onosai a o tatou tatalo pea i le Atua e fesoasoani mai. Faamalolosi pea e faasoa le Upu i auala uma aua le faamalosia o i tatou uma i le itu faaleagaga. Faamanuia atu le Alii.
 
Soifua,
 
Tavita Pagaialii
Ta’ita’i
AOG Samoa.
 
 

 

O le suiga lenei pei ona taua i lalo ona o tulaga pei ona tatou o feagai ai nei ma le fa
 
 
 
Update 3  as of 9 April
Mataupu: Lafoga a le Aufaigaluega mo le Fono 2020.
O le suiga lenei pei ona taua i lalo ona o tulaga pei ona tatou o feagai ai nei ma le faama’i.
1. Komiti Faafoe. $400
2. Faifeau Faau’u Tausi Nuu. $300
3. Faifeau Faau’u malolo. $150
4. Faifeau Laisene Tausinuu $200
5. Faifeau Laisene le tausinuu. $100
6. A’oa’o. $50
7. Faletua o faifeau tausinuu. $50
8. Tiakono. $30
9. Kerisiano Galulue. $15
E faamuta uma mai sefuluai ma lafoga i le aso 30 Aperila, 2020. O le ofisa e tatala i le Aso Gafua ma le Aso Faraile 9.30am – 12.30pm.
Faamolemole Taiulu o Pulega sei logo ane faifeau i lenei suiga. O e o ile facebook logo atu au uo faifeau e ala i le upega tafailagi.
Malo le onosai, faamanuia atu le Alii. Manuia foi le Eseta.
 
Taitai & Komiti Faafoe
AOG i Samoa
 
 
Update 2 as of 5 April
FOLAFOLAGA MO LE MATAGALUEGA ASSEMBLIES OF GOD IN SAMOA.

Ona ua toe faaauau le 4 vaiaso o le Shutdown a lo tatou Malo. O le ala lea o le toe fia tuuina atu o a tatou folafolaga nei.
1. Ua le faataunuuina le Asiasiga a le Komiti Faafoe pei ona tusi atu ai muamua. O lo’o fesootai atu le Failautusi i Taiulu o pulega faamolemole ina ia logoina ai faifeau o pulega taitasi.
2. O aso tatala o le Ofisa i Lotopa o le Aso Lua ma le Aso Faraile mai le 9.30am i le 12.30pm, mo le tuuina mai o sefuluai ma lafoga o le Fono. O le a iai le Teutupe i aso ma itula ia mo le tuuina atu o risiti.
3. Mo Savaii, teu ane sefuluai & lafoga i faletupe ona fesootai mai lea i le Teutupe e logo mai iai. O isi saoga o maliu o faifeau, mealofa i faletua ma faifeau faamavae o lo’o tau faamaea mai, faao’o pea i le Toeaina na te tuuina atu ai lisiti o lafoga ia, ma ia teuina i le bank ma ia logoina mai ai le Teutupe.
4. Ua faatuua foi le Aoga Tusi Paia ona o puipuiga o le faama’i.
5. Ua le faataunuuina foi sauniga a le Mafutaga a Tina pei ona fuafuaina i le masina o Aperila, o le finagalo lena mai le Komiti a Tina.
Tau ina ia agalelei atu le Atua a o feagai ai ma le galuega i nei aso faigata. Tatou faamoemoe i le Atua i mea uma.

Soifua,

Tavita Pagaialii
Taitai & Komiti Faafoe.

 

 

 
 
Update 1
 
Ona o lo’o tuufesili nisi o auauna a le Atua o le Matagaluega i le tulaga o le Folafolaga a le Malo faatatau i le Koviti 19, e fesoasoani atu ai e faapea.
1. Tatou usitaia le poloaiga a lo tatou Malo ina ia faia talosaga ma anapogi i aso ua faatulagaina mai.
2. Taofia a tatou sauniga i Aso Sa e 2 ma isi sauniga o le vaiaso seia oo i le Aso 4 o Aperila.
3. Tatala le malumalu i tagata e auauai mai ai ia le sili atu i le toalima e omai ai e tatalo i le Aso Sa ma isi aso o le vaiaso.
4. Fautuaina tagata fai sefuluai ma taulaga e aumai sefuluai ma taulaga i le falesa ma tuuina i taga poo ipu ua saunia e lafoina ai i taimi faatulagaina i Aso Sa i le taeao ma le afiafi.
5. Ia faia le tatalo e le faifeau i sefuluai ma taulaga ina ia faamanuia ma faapaiaina ai pe a maea taimi faatulagaina i Aso Sa.
O le fautuaga lea mai ia te au e fai ma sui o le Komiti Faafoe a o tatou saili atu i le Atua mo se fesoasoani mo si o tatou atunuu ma le lalolagi atoa. Faamolemole logologo puialii o tatou uso a faifeau o le Matagaluega i ia fautuaga.
“O le Atua, o lo tatou malu ia ma lo tatou malosi, e fai o ia ma fesoasoani silisili i puapuaga. O le mea lea tatou te le fefefe ai. . .” (Salamo 46:1,2).
 
Ua tapunia nei le Ofisa a le Matagaluega i Lotopa. Faamolemole fesoota’i mai i la’u telefoni 7770783, po’o le Susuga ia Taei Tietie i le 7770453 pe a iai se fesili.
 

God bless,

Tavita Pagaialii
Taitai o le Faapotopotoga a le Atua
SAMOA