Fa’asilasilaga Taua / Important Announcement
Office of the Samoan District Council Superintendent
 
Le mamalu o le nofo a Toeaiina;
 
E talitonu lava o loo aoina pea le masina ia outou susuga ma faletua, ae maise le paia o ekalesia. Malo le tautua, malo foi le tauata’i, malo le onosai. Ae avea ia a’u e fa
i ma sui o le Taitai Itumalo faapea le Komiti Faafoe e faailoa aloaia atu ai, o le tatou Fono Itumalo sa fuafuaina mo Setema 14 – 18, 2020, at the 
 
Mission Church, Vacaville, CA o le a le faataunuuina. E faataunuuina pea le Fono a le Au Toeaiina mai ia Setema 9 – 11, 2020 e faia ile falesa o le susuga ile Toeaina o le Pulega i Kalefonia i Matu, susuga ia Pastor Alex Ledoux, address: 1200 Western Street, Fairfield, CA 94533. O le contract mo le faaaogaina o le Mission Church, Vacaville, CA o le a cancelled. Faamolemole, o le tatou schedule lea o le fono a le Au Toeaiina:
 
  1. Tuesday, September 8, 2020: Arrival and Check-in
  2. Wednesday, September 9: 9AM – Devotion by Superintendent Tuugasala Le’iato Ulualetuiatua Fuga, soso’o ai ma le fono a le au Toeaiina
  3. Thursday, September 10, 9AM – Devotion by Sualua Tauala, soso’o ai ma le fono a le au Toeaiina
  4. Friday, September 11, 9AM – Devotion by Faafetai Roberts, soso’o ai ma le fono a le au Toeaiina
  5. Saturday, September 12 – ALL Day – Malolo i Hotel
  6. Sunday, September 13 – 10AM – Morning Service and Recognition and Ordination of Credentialed Ministers
 
Faamolemole Toeaiina o Pulega sei faailoa ia outou candidates for the Recognition and Ordination service that ONLY the candidate and his spouse are allowed to attend.
E faamanatu atu ile paia o Toeaiina ina ia susu mai ma lau matle (clergy stole), black suit, red tie, ma lau mask.
O le a talanoaina ile Fono a le Au Toeaiina ia tulaga o le faataunuuina o le palotaina o tofi faapea Mataupu (Resolutions)
 
E faamalulu atu ile paia o le Nofo a Toeaiina ona sa taumafai lava ina ia faataunuuina le tatou fono itumalo 2020, ae ua le gafatia ona puipuiga ma apoapoaiga a le Ofisa o le Soifua Maloloina, County, ma le Setete o Kalefonia mo le malupuipuia o tagatanuu mai le faamai o le corona Virus.
 
Ia tumau le agalelei o le Atua ia outou susuga ma faletua, faapea ekalesia. Ia leoleoina pea i tatou uma ile filemu ma le manuia o le Atua.
 
Ma lo’u faaaloalo lava,

Rev. (Dr.) Metiti Matt Siliva
Samoan District Council Secretary/Lead Pastor for
The River of Life Worship Center
1212 102nd Street South
Tacoma, WA 98444
Ph: 253-273-2150, Email: pastormatt@q.com
Vision: “Developing and Coaching the Next Generation of Samoan Leaders for Ministry Effectiveness”
 
 
FOLAFOLAGA TAUA – Itumalo a Amerika / Samoan District Council – USA 
As of 22 April
 
Si o’u Alofa! Talofa lava!

Talitonu lo’u loto o loo agiagia maualuga pea le alofa ma le agalelei o lo tatou Alii, o Iesu Keriso, i lo outou soifua e ui lava ina o loo faatau mata tao mai lenei faama’i. Le paia maualuga i le Komiti Faafoe,faapea le mamalu i le nofo a Toeaiina o le Fono a le Itumalo a Samoa i Amerika. Ua manumalo a’ia’i lo tatou Alii i ia mea uma, o le mea lea tatou te le faavaivai ai. Malo le folafola i lana Upu i Aso Sa ma vaiaso ta’itasi! Malo le faifaiva mo le Alii ma lona Malo!

A ua ou tusi atu, ona e manatu e le o toe mamao ae siitia Lockdown orders a nisi o tatou sitete, ona toe amatalia lea o tatou lotu i malumalu. Ou te fiafia ai e failoa atu, o lea ua saunia e le tatou Ofisa tutotonu i Springfield, le fesoasoani e ta’ita’ina ai faifeau ma aulotu uma pe a oo ina toe amatalia lotu. O lenei fesoasoani ua genralized lona fuafuaina ma lona faaupuina. A e tuu atu lava i le faifeau ma le aulotu e silasila totoa i ai, faaaoga mea e talafeagai ma fetaui a e faaleaoga mea e le talafeagai. Aua ne’i galo o le a i ai pea nisi o tulafono mai le CDC, sitete ma Counties e faamalosia pea. O le mafua’aga lena ua vave faasalalau atu ai lenei fesoasoani, ina ia tapena mamao i ai a tatou faifeau ma aulotu mo le taimi e faaaoga ai. Tapena lelek e le faifeau lava ia ma lana aulotu se latou Relaunch Plan, fapepa lelei ma mulimuli ai, se’ia oo lava ina maua se vaccine. 

O le link la lea, e te maua ai fesoasoani ia pei ona ou taua:
 
https://covid19.ag.org/RelaunchKit.

Ia tausia pea e le Alii, lo tatou Atua, lo outou soifua. Ia ia te outou uma lava lana faamalologa e le aunoa. O loo manatua outou i le ma tatalo ma Julie i aso uma, ou te manatu o loo faapena foi ona outou manatua mai ma ua i la outou tatalo.

Ma te alolofa tele atu mo outou uma.

O lo outou uso i le Alii,

  Tuugasala Le’iato Ulualetuiatua Fuga
  Superintendent, Chairman, Lead Pastor and Mentor
  Samoan District Council, World Samoan Fellowship of A/G,
  And Samoan Christian Fellowship A/G
  19804 8th Ave. So., Des Moines, WA
  Ph# (206) 870 – 1663; Fax# (206) 870 – 1667
  Email: tfuga@sdcaog.org
  www.sdcaog.orgwww.wsagf.comwww.schristianfellowship.org
 
 
 
 
Update as of 3 April
 
Update as of 24 March